Türkiyə prezidenti Rəcəb Tayyib Ərdoğan bildirib ki, bu ölkə Rusiyaya Afrika ölkələrini ərzaqla təmin etməyə kömək etməyə hazırdır. Azadmedia.az xəbər verir ki, bu barədə TASS məlumat yayıb.

Onun sözlərinə görə, Rusiya Qara dəniz vasitəsilə Afrikanın dörd-beş ölkəsinə taxıl göndərmək qərarına gəlib. O, həmçinin qeyd edib ki, Türkiyə Afrikaya ərzaq tədarükündə Rusiya Federasiyasına yardım etməyə hazırdır.

“Biz artıq Rusiya və Qətərlə birlikdə belə addımlar atmışıq. Bu addımı atmaq üçün ilk növbədə Almaniya ilə Türkiyə arasında danışıqlar apararaq qətiyyətli addımlar atmalıyıq”, - deyə Ərdoğan bildirib.