Uşaqlarda D vitaminin sutkalıq dozası nə qədər olmalıdır? Bu sual bütün valideynləri maraqlandırır.
Azadmedia.az valideynləri maraqlandıran suala Səhiyyə Nazirliyi Sanator-Kurort Reabilitasiya Mərkəzinin pediatrı Aytən Kərimovanın cavabını təqdim edir:
" Uşaqlarda D vitaminin sutkalıq dozası 1000-2000 BV (Beynəlxalq Vahid) təşkil edir. Bu doza uşağın şikayətlərinə görə, iqlim şəraiti, yaşam tərzi və dəri rənginə görə dəyişə bilər. Vitamin D təbii və süni olaraq qəbul edilə bilər. Təbii halda ehtiyacımız ödənilə bilmədikdə, D vitamini əlavələri qəbul edilə bilər. Dərman vasitəsi seçərkən, mütləq onun uşaqların sutkalıq tələbatını ödəyə biləcəyinə fikir verməliyik. Əgər ödənilməzsə, dərman qəbuluna baxmayaraq orqanizm yenə vitamin D əskikliyindən əziyyət çəkəcək.

İsti yay aylarında dərman qəbulunu dayandıra bilərik. Çünki günəş şüaları vasitəsilə ala bilirik. Lakin 3 yaşa kimi uşaqlar və qapalı məkanlarda çalışan insanlar kənardan vitamin D qəbuluna önəm verməlidirlər. Vitamin D səhər saatlarında və 400-800 BV profilaktik dozası qəbul edilməlidir. Çünki gündüz saatlarında biz günəş şüalarını qəbul edirik. Axşam saatları qəbul etdiyi təqdirdə, melatonin hormonunun sintezini pozur və uşaqlarda yuxuya təsir edir".