Xüsusi bağırsaq bakteriyası, Klebsiella pneumoniae, insan orqanizmində spirt istehsal edərək qaraciyər xəstəliyinin inkişaf riskini artırır. Bu barədə “The Conversation”a İndiana Universitetinin farmakologiya və toksikologiya sahəsində professoru Bill Sallivan məlumat verib.

Mütəxəssisin sözlərinə görə, Klebsiella pneumoniae bakteriyası ilk dəfə 2019-cu ildə Çin alimləri tərəfindən tədqiq edilib. Elmi işlərinin bir hissəsi olaraq, onlar könüllülərdə alkoqolsuz yağlı qaraciyər xəstəliyinin amillərini müəyyən etməyə çalışdılar. Bu, qaraciyər hüceyrələrində (hepatositlərdə) lipid adlanan yağa bənzər maddələrin toplandığı xroniki xəstəlikdir.

Tədqiqatçıların sağlamlıq vəziyyəti haqqında məlumat topladıqdan və onların bağırsaq bakterial müxtəlifliyinin tərkibini araşdırdıqdan sonra alimlər müəyyən ediblər ki, iştirakçıların 61%-nin orqanizmində K. pneumoniae konsentrasiyası yüksəlib. Nəzarət qrupuna daxil olan 48 sağlam insan arasında yalnız 6%-də belə bakteriyalar aşkar edilib.

Məlum oldu ki, K. pneumoniae-nin həddindən artıq aktivliyi zamanı alkoqolsuz yağlı qaraciyər xəstəliyi dolayı yolla alkoqollu hesab edilə bilər. Alimlər hesab ediblər ki, yağlı qaraciyər xəstəliyi olan insanlarda anormal K. pneumoniae sağlam könüllülərdəki eyni bakteriyalardan dörd-altı dəfə çox spirt istehsal edir.

Sullivan qeyd edib ki, bakteriyalar qidada şəkəri parçalayıb emal edərək spirt əmələ gətirir. Hazırda bu fenomenin geniş yayılıb-yayılmaması məlum deyil. Həmçinin alimlər K. pneumoniae-nin hansı ştammlarının “məstedici” xüsusiyyətlərə malik olduğunu hələ müəyyən edə bilmirlər.