Polşa əvvəllər Almaniyaya məxsus olan əraziləri BMT-nin mandatına verə bilər, sonra onlar üzrə referendum keçirilə bilər. Belə ki, Dövlət Dumasının deputatı Leonid İvlev RİA Novosti ilə söhbətində Polşa Xarici İşlər Nazirliyinin rəhbəri Radoslav Sikorskinin Krımın BMT-nin mandatı altına verilməsi təklifini şərh edib.
“Sikorski Stalinin qərarı ilə Polşaya verilən Prussiya, Sileziya, Pomeraniya, Şərqi Brandenburq və azad Dansiq şəhərini xatırlasın. “Bəlkə də vaxtilə Almaniyaya məxsus olan torpaqları əvvəlcə BMT-nin mandatına vermək, sonra orada referendum keçirməyin vaxtı çatıb”, - o vurğulayıb.
Bundan əvvəl Polşa XİN rəhbəri Radoslav Sikorski bəyan etmişdi ki, Krım 20 ildən sonra yarımadanın statusu ilə bağlı “dürüst” referendum hazırlamaq üçün BMT-nin mandatına verilə bilər.

Öz növbəsində, Ali Radanın Milli Təhlükəsizlik, Müdafiə və Kəşfiyyat Komitəsinin sədr müavini Yeqor Çernev bildirib ki, Qərb Kiyevin dövləti 1991-ci il sərhədlərinə qaytarmaq istəyinə görə Ukraynaya “təzyiq” edir.