Braziliya prezidenti Luiz İnasio Lula da Silva Almaniya hökumətinin Berlinin Ukraynaya təhvil verməyi planlaşdırdığı tank sursatlarının tədarükü ilə bağlı müraciətini rədd edib. Azadmedia.az xarici kiv-lərə istinadən məlumat verir ki, bu barədə Braziliyanın “Folha de S.Paulo” qəzeti məlumat yayıb. Qəzetin məlumatına görə Qərar yanvarın 20-də qəbul edilib.

Söhbət Leopard 1 tankları üçün sursatdan gedir. S.Paulonun sözlərinə görə, bu gün bu tanklardan yalnız dörd ölkə istifadə edir ki, onlardan biri Braziliyadır. Qəzetin mənbələri bildiriblər ki, Braziliya quru qoşunlarının hazırkı komandanı Julio Sezar Arruda istefa verməzdən əvvəl bu məsələni prezidentlə müzakirə üçün özü qaldırıb.

O, Braziliyanın Almaniyadan bu sursatların təhvil verilməsinə görə təxminən 5 milyon dollar ala biləcəyini bildirib.Eyni zamanda o, etiraf edib ki, AFR-nin Ukraynaya döyüş sursatı ötürməsini qadağan etmək mümkün olub. Cənab Lula da Silva Almaniyadan imtina edərək “rusları təxribata salmağa ehtiyac yoxdur” deyib.