“Güclü Ermənistan” partiyasının lideri Samvel Karapetyan barəsində həbs qətimkan tədbiri seçilib.

Ermənistan mətbuatının məlumatına görə, gecəboyu davam edən məhkəmə iclasında qərar bu gün səhər saatlarında elan olunub.

Qeyd edək ki, noyabrın 4-də Samvel Karapetyanın və qardaşı oğlu, partiyanın parlament fraksiyasının rəhbəri Narek Karapetyanın evlərində axtarış aparılıb. Ermənistan İstintaq Komitəsi cinayət işi çərçivəsində eyni vaxtda 65 ünvanda axtarış keçirildiyini açıqlayıb.

Bundan sonra Narek Karapetyan sosial şəbəkə hesabında əmisinin evində axtarışdan sonra hüquq-mühafizə orqanlarının əməkdaşları tərəfindən saxlanıldığını bildirib.

Xatırladaq ki, “Taşir” şirkətlər qrupunun sahibi Samvel Karapetyan 2025-ci ilin iyununda da həbs olunub. O, konstitusiya quruluşunu devirməyə çağırış və iqtisadi cinayətlərdə ittiham edilib. Daha sonra ev dustaqlığına buraxılıb.