Lavrov: ABŞ Ukraynanın Rusiyaya zərbələr endirməsinə kömək edir

Rusiyanın xarici işlər naziri Sergey Lavrov ABŞ-ı Ukraynanın Rusiya ərazisində, o cümlədən mülki obyektlərə zərbələr endirməsində birbaşa iştirak etməkdə ittiham edib.

TASS-ın məlumatına görə, Lavrov bildirib ki, amerikalılar Ukrayna silahlarının Rusiyadakı hədəflərə yönləndirilməsində birbaşa rol oynayırlar.

Nazirin sözlərinə görə, Rusiya ABŞ tərəfinin Ankoricdə irəli sürülən təkliflərdən hələlik imtina etmədiyini nəzərə alır.
Lavrov əlavə edib ki, Rusiya Avropa İttifaqının hərbiləşdirilməsi fonunda hadisələrin istənilən inkişafına hazırdır, lakin heç bir ölkəyə hücum etmək niyyətində deyil.

O, həmçinin Qara dəniz taxıl təşəbbüsünün bərpası ilə bağlı Rusiyaya heç bir təklifin daxil olmadığını deyib.

Lavrov BMT-nin Qara dəniz təşəbbüsündə "çox da obyektiv olmayan rol" oynadığını iddia edərək, bu mexanizmin əsasən Ukraynanın maraqlarına xidmət etdiyini bildirib.