Almaniya kansleri Fridrix Merts ABŞ prezidenti Donald Trampın Rusiya ilə Rusiya istehsalı olan dizel yanacağının tədarükünə dair razılaşmasını tənqid edib və Moskva əleyhinə sanksiyaların sərtləşdirilməsinə çağırıb. Bu barədə “Bild” nəşri məlumat yayıb.

“ABŞ və Rusiya arasında dizel yanacağının ixracına dair razılaşmanı nəzərə alırıq. Almaniya və Avropa üçün belə bir qərar istisnadır”, – deyə Merts bildirib.

Almaniya kanslerinin sözlərinə görə, Rusiya Ukraynaya qarşı müharibənin dayandırılması ilə bağlı ciddi müzakirələrə yalnız Qərbin qətiyyətli addımlarından sonra başlayacaq.

“Rusiya yalnız təzyiq altında ciddi danışıqlar aparacaq. Buna görə də Rusiyaya qarşı sanksiyalarımızı qüvvədə saxlayırıq”, – deyə o vurğulayıb.