Avropa Komissiyası Macarıstana 5,4 milyard avroluq müdafiə kreditini təsdiqləyib

Avropa Komissiyası Macarıstanın Avropa İttifaqının SAFE (Security Action for Europe) proqramı çərçivəsində 5,4 milyard avro həcmində müdafiə krediti almaq üçün müraciətini təsdiqləyib. Bu barədə “Euronews” məlumat yayıb.

Macarıstanın Baş naziri Peter Magyar apreldə vəzifəyə başladıqdan sonra ölkəsinin ilkin müraciətinin məbləğini 16,4 milyard avrodan 5,4 milyard avroya endirib. Yenilənmiş müraciət sentyabrın sonunda rəsmi şəkildə təqdim olunub.

Məlumata görə, Magyar əvvəlki hökumətlə əlaqələndirilən mümkün korrupsiya risklərini nəzərə alaraq ilkin maliyyələşdirmə planına yenidən baxmaq qərarına gəlib.
Kreditin ayrılması üçün növbəti mərhələdə Avropa İttifaqına üzv ölkələrin hökumətləri müraciəti təsdiqləməlidir. Bundan sonra Avropa Komissiyası ilə Budapeşt arasında kredit sazişi imzalanacaq.