AzadMedia
Telegram Facebook Twitter Youtube Instagram

Şuşanın dağları bizi gözləyir...

  • + A
  • - A
  • 20-10-2020, 09:58



    Nurəddin ƏDİLOĞLU yazır

    Sinəsi ay-ulduzlu üçrəngli bayrağımız tezliklə Qarabağın mənəvi
    paytaxtı Şuşanın qədim qala bürcündə dalğlanacaq
    Sentyabrın 27 –də düşmənin növbəti təxribatına əks-həmlə ilə cabab
    verən Milli Ordumuz 30 ilə yaxın işğal altında qalan torpaqlarımızın
    azadlığı uğrunda zəfər yürüşünə başladı. Azərbaycan xalqının: “Tərlan
    oylağında sar ola bilməz” atalar məsəli də sərrastlığı ilə milli
    ruhumuzun bir daha dolğun ifadəsi oldu. Bəli, özü boyda mədəniyyət
    məbədi olan Şuşa şəhərində “andiçmə mərasimi” keçirən qondarma
    “dqr” rejiminin başçısı da Milli Ordumuzun uğurlu hərbi əməliyyatları
    qarşısında duruş gətirə bilmədi. Azərbaycan Ali Baş Komandanının
    vurğuladığı kimi, gizlənmək üçün “siçan deşiyi” axtarmağa məcbur oldu.
    Eləcə də Xankəndidə “yuva” salan torpaq birələri - erməni separatçıları
    də anladılar ki, hər pozduqları atəşkəs bir yeni yaşayış məntəqəmizin,
    şəhərimizin, yüksəkliklərin azad olunması və yüzlərlə erməni əsgərinin,
    hərbi texnikasının məhv edilməsi deməkdir. Suqovuşanda, Ağoğlanda
    (Hadrud), Cəbrayılda, Xudafərində, Fizulidə dalğalanan Azərbaycan
    bayrağının rəngləri bu gün Qarabağ səmasına işıq saçır.
    İndi keçmiş günlərin intizarını çəkən Şuşa da ayrılığın son günlərini
    yaşayır. Qədim Qala bürclərinin yuxusu ərşə çəkilib, Qırxqız səmtindən
    Cıdır düzünə sərin mehlər əsir. İsa bulağı daha gür çağlayır. Şuşanın
    qədim Qurdlar məhəlləsindən qurd ulayır. “Qurd üzü mübarək olar”
    deyiblər. Çaqqlların, tülkülərin canına vəlvələ düşüb. Bağrıqan dağının
    zirvəsindən qara buludlar getdikcə dağılmaqdadır. Ağzıyastı kaha
    nigarançılıqla Şuşa qalxan yollara boylanır. Bu nə möcüzəydi ilahi!.. Elə
    bil qayalar at çapır; dağlar yallı gedir, dərələr yırğalanır. Qələbəmizin
    addım səsləri daha aydın duyulur.
    Efirdən Azərbaycan Prezidentinin tez-tez və əminliklə təkralanan gur
    səsi eşidilir: "Gün gələcək ki, bizim bayrağımız Şuşada və Xankəndidə
    dalğalanacaqdır."

    ... Dünya kinosuna “Arşın mal alan”, “O olmasın, bu olsun” kimi musiqili
    komediyalar bəxş edən Üzeyir Hacıbəylinin, xeriyyəçi-şairə Xan qızı
    Natəvanın, Azərbaycan xanəndəsi, dünyanın virtuoz sənətkarı Bülbülün
    erməni vandalları tərəfindən güllələnən büstləri hazırda Bakıdadır. Bu
    güllələnmiş cansız heykəllər erməni-daşnak faşizminin alman
    faşizmindən nə qədər qəddar olduğunu göz önündə canlandırır.
    Adolf Hitler müharibə apardığı dövrdə bir müsəlman məscidini belə
    dağıtmamışdı, əksinə kəlmeyi -şahətəti əzbər söyləyən minlərlə musəvi,
    xaçpərəst faşizmin ölüm düşərgəsindən xilas olmuşdu.
    Çox təəssüf ki, küçə itlərinin, pişiklərinin hüququnu müdafiə etməsi ilə
    “öyünən müasir dünya” Şuşa başda olmaqla Qarabağda erməni
    təcavüzünə məruz qalan tarixi abidələrimizə əhəmiyyət vermədi,
    Topxanada təbiətin yaşıl soyqırımına göz yumanlar, Xocalının dəhşət
    saçan fəryadını da eşitmədi, 30 ilə yaxın Azərbaycanı nə duydu nə də
    dərk etdi. “Şərqin konservatoriyası” adlanan bu şəhər Azərbaycanın
    itirdiyi qammaya, Qarbağın köksünün başında simləri qırılmış rübaba
    bənzəyirdi. Allah bu şəhərin 28 il faşist xislətli murdar düşmənin
    tapdağında qalmasını xalqımı necə rəva gördü?!
    Şuşa yadıma düşəndə
    sınır qəlbim şüşə kimi
    Görərsən görərmiyəm,
    Şuşanı bu qışa kimi...
    İnşallah, görəcəyik, o günlərə sayılı günlər qalıb, bu misraların müəllifi
    şair Fikrət Sadığın nigaran ruhu da şad olacaq. Şanlı Azərbaycan
    Ordusu xalqımıza Şuşa boyda sevinc bəxş edəcək. Dövlət başçısının
    Türkiyənin “A haber” televiziya kanalına müsahibəsində dediyi kimi:
    ”Şuşasız bizim işimiz yarımçıq olar. Ona görə təbii ki, Şuşanın işğaldan
    azad edilməsi bizim hədəflərimizin arasında xüsusi yer tutur...”
    Şuşa yenə saçları şehlə yuyulmuş gözəllər gözəlinə dönəcək. Ad gününü
    Şuşada, Qələbə paradını Bakıda keçirmək arzusuyla yaşayan əsgər və
    zabitlərimizə Allah yar olsun!

    Qarabağ Azərbaycandır!


    www.AzadMedia.az

    Mətndə səhv var? Onu siçanla seçin və Ctrl+Enter düyməsini basın.
    OXŞAR XƏBƏRLƏR

    Köşə
    XƏBƏR LENTİ
    BÜTÜN XƏBƏRLƏR