AzadMedia
Telegram Facebook Twitter Youtube Instagram

Dünyanın ən böyük gizli alış-veriş portalı bağlandı

  • + A
  • - A
  • 14-01-2021, 22:40


    Ötən gün Almaniya polisi dünyanın ən böyük gizli alış-veriş portalı olduğu güman edilən "DarkMarket"i bağlayaraq serverdən ayırıblar.

    AzadMedia.az xəbər verir ki, həm də narkotik vasitələrinin, qəlp pulların, oğurluq və saxta bank kartlarının, anonim telefon kartlarının, virus proqramlarının da satıldığı bu portalda kriptovalyuta ilə ödəniş edildiyi bütövlükdə 140 milyon avro məbləğində azı 320 min alış-veriş əməliyyatı keçirilib. Bütövlükdə həmin portalda 500 minədək istifadəçi və 2 400-dən artıq satıcı fəaliyyət göstərib.

    Həmçinin istirahət günləri polis Danimarka sərhədi yaxınlığında qanunsuz alış-veriş portalının operatoru olduğu güman edilən 34 yaşlı Avstraliya vətəndaşını saxlayıb.

    "DarkMarket"ə qarşı bir neçə ay davam edən əməliyyatda "Europol"un əlaqələndiriciliyi ilə Avstraliya, Böyük Britaniya, Danimarka, İsveçrə, Ukrayna, Moldova polisinin iştirak etdiyi bildirilir.


    www.AzadMedia.az

    Mətndə səhv var? Onu siçanla seçin və Ctrl+Enter düyməsini basın.
    OXŞAR XƏBƏRLƏR

    Köşə
    XƏBƏR LENTİ
    BÜTÜN XƏBƏRLƏR