Azərbaycan və Ermənistanın xarici işlər nazirləri Ceyhun Bayramov və Ararat Mirzoyan Moskvada görüşəcəklər.

Bu barədə Azərbaycan Prezidenti İlham Əliyev “4-cü Sənaye İnqilabı dövründə Yeni Media” mövzusunda Şuşa Qlobal Media Forumunda çıxışında bildirib.

Ölkə lideri XİN rəhbərlərinin mümkün görüşünü təsdiqləyib: "Yaxın günlərdə Moskvada danışıqların daha bir raundu keçiriləcək".

Qeyd edək ki, bundan əvvəl Moskva XİN Qarabağ nizamlanması probleminin müzakirəsi və sülh müqaviləsinin razılaşdırılması üçün yaxın vaxtlarda Ermənistan, Azərbaycan və Rusiya xarici işlər nazirlərinin görüşünü təşkil etməyə hazır olduğunu bəyan edib.

Hazırda görüşün dəqiq tarixi barədə məlumat yoxdur.