DSX Laçın sərhəd-keçid məntəqəsi yaxınlığında Ermənistan tərəfinin yeni təxribatı ilə bağlı xəbərdarlıq edib.

Ermənistan növbəti təxribat hazırlayır. Bu barədə çərşənbə axşamı Azərbaycan Dövlət Sərhəd Xidmətinin mətbuat xidmətindən bildirilib.

“İyulun 26-da Ermənistan tərəfdən daxil olan məlumata görə, qarşı tərəfdən dövlət sərhədindən Laçın sərhəd-keçid məntəqəsinin girişində müxtəlif təyinatlı avtomobillərin cəmlənməsi təşkil edilərək növbəti təxribat xarakterli hərəkətlər qəddarcasına planlaşdırılıb.

Biz Ermənistan tərəfini təxribata yönəlmiş və vəziyyəti gərginləşdirməyə xidmət edən bu cür hərəkətlərdən çəkinməyə çağırırıq.

Bir daha bəyan edirik ki, mümkün təxribatçı hərəkətlərə görə bütün məsuliyyət tamamilə Ermənistan tərəfinin üzərinə düşəcək”, - Dövlət Sərhəd Xidmətinin bəyanatında deyilir.