Azərbaycan Respublikası müxtəlif səviyyələrdə dəfələrlə bəyan edib ki, Ağdam-Xankəndi yolu Rusiya sülhməramlılarının müvəqqəti yerləşdiyi əraziyə yüklərin daşınması üçün istifadə oluna bilər.

Azadmedia.az xəbər verir ki, bunu Azərbaycan Prezidentinin Qarabağ iqtisadi rayonuna daxil olan işğaldan azad edilmiş ərazilər üzrə xüsusi nümayəndəsi Emin Hüseynov deyib.

Bu gün Azərbaycan Respublikasının Dövlət Sərhəd Xidmətinin yaydığı məlumata görə, Ermənistan dövlət sərhədinin Laçın buraxılış məntəqəsində siyasi manipulyasiya və təbliğat məqsədilə avtomobillər toplayaraq təxribat törətməyə cəhd edir.

Emin Hüseynov qeyd edib: “Yolun texniki-təbii xüsusiyyətləri, xüsusən də Bərdə-Ağdam yolunun zəbt olunduqdan sonra bərpası yüklərin daha tez və operativ şəkildə çatdırılmasına imkan versə də, özlərini bədnam qurumların təmsilçisi adlandıran şəxslərin bundan imtina etməsi hallarına yol verilir. Bu yoldan istifadə rejimi tamamilə anlaşılmazdır. Burada yalnız bir məqsəd var: siyasi şou və siyasi spekulyasiya.

Bir daha bildiririk ki, Ağdam-Xankəndi yolu yüklərin daşınması üçün açıqdır”.