ABŞ Konqresi Nümayəndələr Palatası milli büdcə haqqında qanun layihəsinə düzəliş qəbul edib.

Belə ki, bu düzəliş Yunanıstan adalarında ABŞ hərbi bazalarının yaradılması imkanının nəzərdən keçirilməsinə çağırır. Bu barədə Yunanıstanın mətbuatı məlumat yayıb.

Həmçinin düzəliş müdafiə naziri və dövlət katibini ABŞ-ın Yunanıstanda hərbi mövcudluğunu genişləndirmək üçün mövcud imkanları birgə araşdırmağa, adalara xüsusi diqqət yetirməyə çağırır.

Qeyd edək ki, senat artıq öz qanun layihəsinə səs verib və indi iki qanunverici orqan prezident Co Baydenə göndəriləcək yekun mətnin hazırlanması üçün danışıqlar aparır.