Azərbaycan XİN-in məlumatına görə, Qarabağın erməni sakinlərinin nümayəndələri son anda razılaşmaları pozaraq Azərbaycanın Yevlaxında keçirilməsi planlaşdırılan görüşə gəlməyiblər.
Azərbaycan beynəlxalq tərəfdaşların köməyi ilə Ağdam-Xankəndi yolunun Beynəlxalq Qızıl Xaç Komitəsinin (BQXK) nəqliyyat vasitələri ilə yüklərin daşınması üçün istifadəsinə dair razılıq əldə edib, bir gün sonra isə daha da intensivləşdirməyə dair razılaşma əldə edib. Məlumatı Xarici İşlər Nazirliyinin mətbuat xidmətinin rəhbəri Ayxan Hacızadə bildirib:

"Bundan başqa, Azərbaycan tərəfinin təklifi ilə Yevlaxda Azərbaycan tərəfinin nümayəndələri ilə Qarabağda yaşayan erməni sakinlərinin nümayəndələri arasında görüşün keçirilməsi razılaşdırılıb və bütün maddi-texniki təminat işləri yekunlaşıb. Buna baxmayaraq, İKT nümayəndələri Azərbaycanın Qarabağ bölgəsinin erməni sakinləri razılaşmaları son anda pozublar”
Azərbaycan Xarici İşlər Nazirliyi bu məsələ ilə bağlı bəyanat yayıb və qeyd edib ki, Qarabağın erməni sakinlərinin gündəlik ehtiyacları varsa, o zaman Azərbaycanın təklif etdiyi Ağdam-Xankəndi yolundan istifadə etmək olar.
“Biz Ermənistan tərəfini “humanitar böhran” barədə əsassız bəyanatlar yaymaq, Azərbaycanın suverenliyi və ərazi bütövlüyünə qarşı təxribatlar törətmək əvəzinə, regionda sülh və sabitliyin bərqərar olması üçün səy göstərməyə çağırırıq”, - deyən Azərbaycan Xarici İşlər Nazirliyi rəsmisi əlavə edib ki, Ermənistan rəhbərliyi öz ittihamlarını daim təkrarlamaqla, bununla da Laçın sərhəd-keçid məntəqəsinin yaradılması nəticəsində Laçın yolundan istifadə etməklə qanunsuz fəaliyyətin dayandırılmasından narahat olduğunu açıq şəkildə nümayiş etdirir.