Blue Origin şirkəti yüksək günəş aktivliyi səbəbindən Marsın maqnit örtüyünün öyrənilməsi üçün nəzərdə tutulmuş iki Escapade zondu olan New Glenn daşıyıcı raketinin buraxılışını ləğv edib. Bu barədə şirkətin X sosial şəbəkəsindəki səhifəsində məlumat verilib.

Raketin buraxılışının təxirə salınması qərarı, missiyanın bir hissəsi olaraq orbitə çıxarılmalı olan Escapade kosmik gəmisinə günəş radiasiyasının potensial təsiri səbəbindən verilib.

"NASA kosmik hava şəraiti yaxşılaşana qədər buraxılışı təxirə salır", - deyə mesajda qeyd olunur.

10 noyabrda Blue Origin, əlverişsiz hava şəraiti, xüsusən də buludlu hava səbəbindən Florida ştatındakı Cape Canaveral kosmodromundan New Glenn raketinin buraxılışını ləğv edib.

Noyabrın 12-də Yer kürəsində demək olar ki, maksimum səviyyədə güclü maqnit fırtınası başladı. Alimlərin fikrincə, geomaqnit vəziyyəti hazırda proqnozdan "izaholunmaz dərəcədə fərqli" görünür. Daha əvvəl Günəşdə 15-dən çox alovlanma baş vermişdi və noyabrın 10-da ən yüksək sinifli "kannibal alovlanma" qeydə alınmışdı. Plazma boşalmalarının G3-G4 səviyyəli fırtınalara səbəb olacağı gözlənilirdi, lakin indikator artıq G4.66 dəyərinə çatıb.