ABŞ prezidenti Co Bayden Corc Sorosa, futbolçu Lionel Messiyə və siyasətçi Hillari Klintona, eləcə də daha 16 nəfərə azadlıq medalları təqdim edəcək. Bu barədə Bloomberg agentliyi yazır.

Mükafatı modelyer Ralf Lauren, moda jurnalının redaktoru Anna Vintur və kino ulduzu Denzel Vaşinqton da alacaqlar. Prezident Azadlıq Medalı ABŞ-ın ən yüksək mülki mükafatıdır. O, “Birləşmiş Ştatların rifahına, dəyərlərinə və ya təhlükəsizliyinə, dünyada sülhə və ya digər mühüm sosial, dövlət və ya özəl təşəbbüslərə nümunəvi töhfə vermiş” şəxslərə verilir.

Bundan əvvəl Bloomberg Baydenin dənizdəki neft yataqlarının işlənməsini qadağan etmək planlarından xəbər tutmuşdu. Eyni zamanda, Washington Examiner artıq ABŞ-da belə məhdudiyyətlərin tətbiqini Baydenin Rusiya Federasiyasının prezidenti Vladimir Putinə ayrılıq hədiyyəsi adlandırıb.