Barselona Universitetinin alimləri aşkar ediblər ki, qozun həm içliyi, həm qabığı, həm də yaşıl xarici qabığı güclü antioksidantlar ehtiva edir. Nəticələr Food & Function jurnalında dərc olunub.
Qoz qabığı – ellaq turşusu və katexinlər kimi fenol birləşmələri ilə zəngindir. Bu maddələr iltihab əleyhinə təsir göstərir və sinir hüceyrələrini qoruyur.
Yaşıl qabıq – karotinoidlər, o cümlədən β-karotin ilə zəngindir, hüceyrələri zədələnmədən qoruyur və immun sistemini gücləndirir.
İçlik – ən əsas E vitamini mənbəyidir, sərbəst radikallardan hüceyrələri qoruyan təbii antioksidantdır.
Alimlər qeyd edir ki, qozun təxminən 70%-i istifadə olunmur. Bu səbəbdən qabıq və yaşıl qabığın emalı:
yeni bioaktiv maddə mənbələri yarada bilər,
qida əlavələri, kosmetika və bioçürük qablaşdırma istehsalında istifadə edilə bilər,
qoz istehsalını daha ekoloji və dayanıqlı edə bilər.