Rusiya lideri Vladimir Putin Şanxay Əməkdaşlıq Təşkilatının (ŞƏT) Dövlət Başçıları Şurasının iclasında çıxışı zamanı silahlı münaqişələrin təhrik edilməsinə yol verilməməsinə çağırıb.
Putin bildirib ki, sentyabrın 1-i İkinci Dünya müharibəsinin başladığı gündür və bu baxımdan dünya təcrübəsindən silahlı münaqişələrin hər hansı formada təhrik edilməsini çıxarmaq üçün bütün səylər göstərilməlidir.
“Əminəm ki, bizim fəaliyyətimiz məhz buna xidmət edir”, – deyə Rusiya prezidenti vurğulayıb.
Rusiya lideri həmçinin ŞƏT-in İnkişaf Bankının maliyyə sistemlərini beynəlxalq münasibətlərdə birtərəfli üstünlüklər əldə etmək üçün “silah” kimi istifadə edən ölkələrdən maksimum dərəcədə müstəqil olmasının vacibliyini qeyd edib.
Onun sözlərinə görə, ŞƏT-in İnkişaf Bankı iqtisadi alətlərdən siyasi məqsədlər üçün istifadə edən dövlətlərin maliyyə sistemlərindən asılı olmamalıdır.
Azadmedia.az xatırldıd ki, ŞƏT sammiti avqustun 31-dən sentyabrın 1-dək Bişkekdə keçirilir. Tədbirdə 17 dövlətin liderləri, həmçinin beynəlxalq təşkilatların baş katibləri iştirak edir.