2024-cü il avqust ayının 15-də Sumqayıt Gənclər Evində Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə "Qadın Təşəbbüsü və Sosial Problemlərin Həllinə Yardım" İctimai Birliyi tərəfindən həyata keçirilən "Məişət zorakılığı əleyhinə təşəbbüslər" layihəsi çərçivəsində tələbə və könüllü gənclər üçün təlim təşkil olunmuşdur. Təlimdə həm qızlar, həm də oğlanlar iştirak edib.

QHT.az xəbər verir ki, gənclərin bu mövzu ilə bağlı suallar verməsi və mövzudan məlumatlı olmaları təlimin çox maraqlı keçməsinə səbəb olmuşdur. Təlimçi Günel Ələkbərova təlimi interaktiv metodlar, oyunlar və digər üsullarla keçərək iştirakçıların daha geniş bilik qazanmasına çalışmışdır. Sorgunun nəticələrinə əsasən iştirakçılar mövzunun davamlı olmasını təklif edib.

Layihənin məqsədi gələcəkdə ailə quracaq gənclərimizdə məişət zorakılığının ailədə hansı fəsadlar törədə biləcəyi və uşaqların psixoloji problemlərlə üzləşə biləcəyi barədə tam təsəvvür yaratmaqdır.