Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Regional Gender Mərkəzi” İctimai Birliyi Xocavənd rayonunda “Nümunəvi valideynlik İnstitutu” adlı layihəyənin icrasını davam etdirir.

Azadmedia.az QHT.az-a istinadla xəbər verir ki, 22.07.2025- ci il tarixində Xocavənd RİH-nin akt zalında “Nümunəvi valideynlik İnstitutu” layihəsi çərçivəsində "Erkən uşaqlıq dövründə inkişaf” mövzusunda dəyirmi masa keçirildi. Tədbiri giriş sözü Xocavənd İctimai -siyasi və humanitar məsələlər üzrə şöbə müdirinin müavini -Dini qurumlarla işin təşkilatçısı Nicat Şirinov açdı. O qonaqları təqdim etdi və sözü layihə rəhbərinə verdi. Layihə rəhbəri Ş.Dadaşzadə layihənin donoru və icraçı təşkilat haqda məlumat verdikdən sonra layihənin məqsədlərini açıqladı. O bildirdi ki, “Erkən uşaqlıq dövründə valideyn övlad münasibətləri, uşaqların düzgün tərbiyə olunması cəmiyyətin gələcəyi üçün çox mühümdür. Biz layihə çərçivəsində valideynlərə erkən uşaqlıq dövründə sağlam inkişaf üçün vacib olan “Bəsləyici Qayğı”nın 5 kompanenti haqda ətraflı məlumat verməklə gələcəyimiz olan uşaqların sağlam böyüməsinə öz töhfəmizi vermək istəyirik”.

Ekspert S.Məmmədova “Uşağın 1000 günü və Nümunəvi Valideynlik” mövzusunda çıxış edərək valideynlərin, himayədarların və qəyyumların uşaq həyatının ilk illərində, xüsusi ilə mayalanmadan 3 yaşa qədər olan dövrdə qayğı ilə təmin edilməsinin vacibliyindən danışdı. Psixoloq N.Vəliməmmədova Bəsləyici qayğı modelinin kompanentlərinindən danışdı. Bildirdi ki, Nümunəvi valideynlik institutlarının formalaşmasında bu kompanentlərin rolu böyükdür. Məqsədimiz daha çox valideynə çatmaqdır.

Daha sonra müzakirələr oldu. İştirakçıların sualları cavablandırıldı və təklifləri dinlənildi. İştirakçılar layihənin aktuallığını qeyd etdilər və tədbirlərin davamlı olmasını arzuladılar.

Tədbirdə həmçinin 0-8 yaş arası uşaqların inkişafında rol alan aidiyyəti qurumların regional koordinasiyası və qurulacaq Nümunəvi Valideynlik İnstitutuna valideynlərin cəlb olunması mövzusunda fikir mübadiləsi aparıldı

Ş. Dadaşova Xocavənd rayon İcra Hakimiyyəti başçısı cənab Eyvaz Hüseynova, Xocavənd rayon İcra Hakimiyyəti başçısının müavini-İctimai-Siyasi və humanitar məsələlər şöbəsinin müdiri Əfsanə xanım Quliyevaya və İctimai -siyasi və humanitar məsələlər üzrə şöbə müdirinin müavini -Dini qurumlarla işin təşkilatçısı Nicat Şirinova tədbirin keçirilməsinə dəstəyinə görə təşəkkür etdi.

İştirakçılardan İctimai -siyasi və humanitar məsələlər üzrə şöbə müdirinin müavini -Dini qurumlarla işin təşkilatçısı Nicat Şirinov və digərləri Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə və Regional Gender Mərkəzi İB-nə təşəkkür etdilər.

Tədbirdə 23 nəfər iştirak etdi. Sonda xatirə şəkili çəkildi.

Fotolar