Tennessi ştatının Nashville şəhərində xristian məktəbində atışma nəticəsində azı üç uşaq və üç böyük ölüb. Hücum edənin 28 yaşlı transseksual qadın olduğu üzə çıxıb, o, polis tərəfindən güllələnib. Azadmedia.az xəbər verir ki, bu barədə REN TV yazır.
Polis nümayəndələrinin sözlərinə görə, cinayət Neşvildə, Burton Hills bulvarında yerləşən məktəbdə törədilib. Zəngə gələn polis atışmaya girib və atəş açan şəxsi öldürüb.

Mətbuat konfransında polis sözçüsü Don Aaron atışma zamanı ölənlər arasında 3 uşaq və 3 məktəb işçisinin olduğunu bildirib. Ölən üç uşağın hər üçünün doqquz yaşı, iki böyükünün 61, birinin isə 60 yaşı var idi. Bir polis yaralanıb.

Cinayətdən bir neçə saat sonra polis atəş açan şəxsin adını çəkdi - bu, polisin dediyinə görə, özünü transgender kimi tanıdan Audrey Haledir. Cinayətin motivlərinə gəlincə, polis atəş açan şəxsin üzərində müəyyən “manifest” tapdıqlarını və bəzi ehtimalların olduğunu, lakin hələ də dəqiq motivlərin adını çəkə bilməyəcəyini bildirib.

Hücum edən şəxs iki pulemyot və tapança ilə silahlanıb. Bundan əvvəl NBC telekanalı üç uşağın güllə yarası ilə xəstəxanaya göndərildiyini, lakin ona aparılarkən yolda öldüyünü bildirmişdi. Qətliamın baş verdiyi Neşvildəki məktəb özəl xristian ibtidai məktəbidir: uşaqlar orada 6-cı sinfə qədər, 11-12 yaşına kimi oxuyurlar. Məktəbin saytında verilən məlumata görə, burada 200-ə yaxın şagird təhsil alır.

Təhsil Həftəsinə görə, təkcə bu il ABŞ-da ölüm və ya yaralanma ilə nəticələnən 12 məktəb atışma hadisəsi baş verib.