“Sabirabadda Qadınların Sosial İnkişafına Dəstək” İctimai Birliyi “Qadınların innovativ peşə bacarıqlarının artırılması ilə iş axtarma imkanlarının genişləndirilməsinə dəstəyin göstərilməsi məqsədilə tədbirlərin təşkili” layihəsi çərçivəsində rayon və kənd yerlərində yaşayan 15 nəfər qadın artıq İKT təlimlərini başa vurublar.

Birlikdən verilən məlumata görə, layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə icra edilir. Test imtahan vasitəsilə iştirakçıların bilikləri yoxlanıldıqdan sonra onlar üçün “Düzgün CV yazılması, iş müsahibəsinə hazırlıq, özünütəqdimetmə və onlayn iş axtarışı bacarıqları” təlimləri təşkil olunub. Təlimləri uğurla başa vuran iştirakçılar əldə etdikləri bilikləri iş axtarmaq üçün tətbiq edəcəklər.