Bakının Nəsimi rayonu, Səməd Vurğun küçəsində yaşlı qadın dilənməyə məcbur edilir.

Bu barədə Baku.ws saytının qaynar xəttinə məlumat daxil olub.

Yaşlı qadını özünü qızı kimi təqdim edən şəxs tərəfindən mağazanın qarşısında dilənməyə məcbur edildiyi iddia edilir. Yaxınlıqdakı vətəndaşlar vəziyyətə müdaxilə ediblər.
Sonradan məlum olub ki, qadının ayaqları əlil arabasına yapışdırılıb. Qız bildirdi ki, bu, zəruri tədbirdir, guya ana ayaqlarını tərpətməməlidir, əks halda ayağı üzərindəki yaraların vəziyyəti daha da pisləşəcək.

Məsələ ilə bağlı Daxili İşlər Nazirliyinin əməkdaşı Nurlan Əliyev bildirib ki, həmin şəxslərin səhhətləri nəzərə alınaraq barəsində qanunamüvafiq tədbirlər görüləcək.