Azadmedia.az xəbər verir ki, bu sözləri Ulu Öndər Heydər Əliyevin 100 illik yubileyinə həsr olunmuş Azərbaycan Qadınlarının VI Qurultayında Ailə, Qadın və Uşaq Problemləri üzrə Dövlət Komitəsinin sədri Bahar Muradova bildirib.
Mehriban xanım Əliyevanın dövlət üçün xidmətlərini önə çəkən Komitə sədri qeyd edib ki, Azərbaycan qadınlarının lideri çox hörmətli Mehriban xanım Əliyeva Birinci vitse-prezident və Heydər Əliyev Fondunun rəhbəri kimi bu sahədə yorulmaq bilmədən çalışır:

"O, həmçinin ölkədə və dünyada insanlara dəstək olur, böyük humanitar layihələrə imza atır, sivilizasiyalar və dinlərarası əlaqələrə töhfə verməklə Azərbaycan qadınının nüfuzunu yüksəklərə qaldırır.

Bu prosesdə iştirak edən Azərbaycan qadını Zəfərimizin nəticələrinin möhkəmləndirilməsi, Qarabağda ədalətin bərpa olunması sahəsindəki dövlətimizin siyasi xəttini dəstəkləyir. Gəlin qəbul edək ki, dünyada sülh, təhükəsizlik, rifah və inkişaf naminə mübarizəyə böyük töhfələr verən, ədalətin qalib gələcəyinə inamı möhkəmləndirən də məhz belə qadınlardır".