“Sabirabadda Qadınların Sosial İnkişafına Dəstək” İctimai Birliyinin Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə icra etdiyi “Qadınların innovativ peşə bacarıqlarının artırılması ilə iş axtarma imkanlarının genişləndirilməsinə dəstəyin göstərilməsi məqsədilə tədbirlərin təşkili” layihəsi başa çatıb.

Birlikdən verilən məlumata görə, layihə çərçivəsində rayon və kənd yerlərində yaşayan 17 nəfər qadın üçün İKT təlim kursu təşkil edilib. İKT bilikləri əldə etmiş iştirakçılar üçün “Düzgün CV yazılması, iş müsahibəsinə hazırlıq, özünütəqdimetmə və onlayn iş axtarışı bacarıqları” təlimləri keçirilib. Layihə birdikdən sonra yekun imtahan təşkil edilərək iştirakçıların əldə etdikləri bilik və bacarıqlar qiymətləndirilmişdir. Nəticədə layihənin iştirakçılarından bir nəfər Sabirabad Qadın Resurs Mərkəzinə koordinator köməkçisi işi üçün müsahibədən uğurla keçmiş və müqavilə bağlanması üçün sənədləri qəbul edilib. Daha bir nəfər Pambıqtəmizləmə Məntəqəsində işə başlayıb. Layihənin digər benefisiarları Regional Məşğulluq İdarəsində işaxtaran kimi qeydiyyata alınıb.

Qeyd edək ki, layihə fəaliyyətləri çərçivəsində nəzərdə tutulmuş təlimlər sona çatıb və iştirakçılar sertifikatla təmin olunub.