Çərşənbə axşamı Zəngilanda “Qarabağ: 30 ildən sonra vətənə qayıdış” forumu çərçivəsində 30 ölkəni təmsil edən 60 ekspertin iştirakı ilə panel müzakirələri keçirilib.

Qaçqınların və Məcburi Köçkünlərin İşləri üzrə Dövlət Komitəsinin dəstəyi, ADA Universitetinin İnkişaf və Diplomatiya İnstitutunun Beynəlxalq Münasibətlərin Təhlili Mərkəzi ilə birgə təşkil etdiyi panel müzakirəsində müxtəlif ölkələrin nüfuzlu beyin mərkəzləri və akademik strukturlarının nümayəndələri iştirak ediblər.

İşğaldan azad edilmiş ərazilərdə xüsusi nümayəndələrin çıxışlarının olduğu ilk panel iclasında Qaçqınların və Məcburi Köçkünlərin İşləri üzrə Dövlət Komitəsinin sədr müavini Fuad Hüseynov salamlama nitqi ilə çıxış edib.
Sonra ADA Universitetinin prorektoru, İnkişaf və Diplomatiya İnstitutunun direktoru Fariz İsmayılzadənin moderatorluğu ilə panel müzakirəsi başlayıb.

Forum çərçivəsində panel müzakirələrində “Qarabağ: 30 ildən sonra Vətənə qayıdış. Nailiyyətlər və çətinliklər” mövzusunda məruzə ilə bağlı Azərbaycan Respublikası Prezidentinin Şərqi Zəngəzur iqtisadi rayonuna daxil olan Cəbrayıl, Qubadlı və Zəngilan rayonları üzrə xüsusi nümayəndəsi Vahid Hacıyev və Azərbaycan Respublikası Prezidentinin İqtisadi İnkişaf üzrə xüsusi nümayəndəsi Vahid Hacıyev çıxış ediblər.
Tədbirdə Azərbaycan Respublikası Prezidentinin Şuşa rayonu üzrə xüsusi nümayəndəsi Aydın Kərimov və Azərbaycan Respublikası Prezidentinin Laçın rayonu üzrə xüsusi nümayəndəsi Məsim Məmmədov da panel müzakirələrinin spikerləri qismində iştirak ediblər.

Xarici ekspertlərə Qarabağda aparılan bərpa və quruculuq işləri, işğaldan azad edilmiş ərazilərə qayıtma prosesi barədə məlumat verilib, onları maraqlandıran suallar cavablandırılıb.

Panel müzakirəsinin ikinci hissəsini Beynəlxalq Münasibətlərin Təhlili Mərkəzinin direktoru Fərid Şəfiyev idarə edib.

Müzakirələrdə ADA Universitetinin professoru Gülməmməd Məmmədov, Bosniya və Herseqovina Prezidentinin Nazirlər Kabinetinin üzvü İsmət Kadiç, Efiopiya Xarici Əlaqələr İnstitutunun əməkdaşı Daraskedar Taven, Gürcüstan Rondeli Fondunun üzvü Şota Utiaşvili, universitetin professoru . Böyük Britaniyada Cənubi Uelsdən Ali Varda və ABŞ-da Corctaun Fondunun tədqiqatçısı Marqarita Asenova çıxış ediblər.