Bu gün “Gəncliyin Təşəbbüsü” maarifləndirmə İctimai Birliyi Azərbaycan Respublikasının Gənclər Fondunun dəstəyi ilə “Əsrə Sığmayan Ömür, Heydər Əliyev-100” adlı layihəsinin icrası çərçivəsində Qazax Olimpiya İdman Kompleksində Qazax rayon turnirin ilk yarım final oyunu keçirilib.

QHT.az xəbər verir ki, ilk olaraq Ümummilli lider Heydər Əliyevin və Azərbaycan Respublikasının suverenliyi uğrunda şəhid olmuş bütün Qəhramanların əziz xatirəsi bir dəqiyqalıq sükütla yad edilib. "Gəncliyin Təşəbbüsü" Maarifləndirmə İctimai Birliyinin sədri, layihənin rəhbəri, Azər Əliyev turnir iştirakçılarına turnir haqqında ətraflı məlumat verərək bildirib ki, layihənin əsas məqsədi Qazax rayon gəncləri ilə Müstəqil Azərbaycan dövlətinin qurucusu, dahi siyasətçi və qüdrətli dövlət xadimi Heydər Əliyevin xatirəsini daim yad etmək, gənclərin vətənə və dövlətə bağlılığın artırılması, gənclərə sağlam həyat tərzinin təbliği, gənclərin asudə vaxtlarının düzgun və səmərəli təşkilidir.

Daha sonra çıxış edən Qazax-Tovuz Regional Gənclər və İdman idarəsinin məsul işçisi İbrahimov Anar turnir iştirakçılarına uğurlar arzuladı və bədən tərbiyyəsi və idmanla məşğul olmağa çağırıb. Turnirin üçüncü günündə 2 komanda güclərini sınamışdırlar. Gərgin idman mübarizəsi şəklində kecən görüşlərin nəticəsi:

1) Şəhər № 2 – Kosalar 5 - 2

Şəhər № 2 komandası qalib gələrək final oyununa vəsiqə qazanıb.

Qeyd edək ki, ikinci yarımfinal oyunları dekabrın 27-də keçiriləcək. Qazax Olimpiya İdman Kompleksində gənclər və yeniyetmələr arası mini futbol üzrə Qazax rayon turnirinə dekabrın 19- də start verilib.