Bu gün “Gəncliyin Təşəbbüsü” maarifləndirmə İctimai Birliyi Azərbaycan Respublikasının Gənclər Fondunun dəstəyi ilə “Əsrə Sığmayan Ömür, Heydər Əliyev-100” adlı layihəsinin icrası çərçivəsində Qazax Olimpiya İdman Kompleksində Qazax rayon turnirin final oyunları keçirilib.

İlk olaraq Ümummilli lider Heydər Əliyevin və Azərbaycan Respublikasının suverenliyi uğrunda şəhid olmuş bütün Qəhramanların əziz xatirəsi bir dəqiyqalıq sükütla yad edilib. "Gəncliyin Təşəbbüsü" Maarifləndirmə İctimai Birliyinin sədri, layihənin rəhbəri, Azər Əliyev turnir iştirakçılarına turnir haqqında ətraflı məlumat verərək bildirib ki, layihənin əsas məqsədi Qazax rayon gəncləri ilə Müstəqil Azərbaycan dövlətinin qurucusu, dahi siyasətçi və qüdrətli dövlət xadimi Heydər Əliyevin xatirəsini daim yad etmək, gənclərin vətənə və dövlətə bağlılığın artırılması, gənclərə sağlam həyat tərzinin təbliği, gənclərin asudə vaxtlarının düzgun və səmərəli təşkilidir.

Daha sonra çıxış edən Qazax-Tovuz Regional Gənclər və İdman idarəsinin rəis müavini Elcin Cəfərov turnir iştirakçılarına uğurlar arzuladı və bədən tərbiyyəsi və idmanla məşqul olmağa cağırmışdır. Turnirdə fəal iştirak edən Qazax-Tovuz Regional Gənclər və İdman idarəsinin məsul işcisi Anar İbrahimov, ən yaxşı oyunçu, ən yaxşı qapıçı və nizam intizamlı oyuncu sertifikat və hədiyyələrlə təltif olundular.

Çıxışlardan sonra final ğörüşünə start verildi. Gərgin idman mübarizəsi şəklində keçən görüşlərin nəticəsi aşağıda kı kimi olmuşdur:

Üçüncü yer uğrunda görüş - Məktəb Licey 7 - 2 Kosalar

Birinci yer uğrunda görüş - Qazax № 2 0 – 6 I Şıxlı

Yekun nəticələr:

I yer - I Şıxlı

II yer - Qazax № 2

III yer – Məktəb Lisey

Turnirin qalibləri medal, diplom və kuboklarla mükafatlandırıldılar.

Turnir sonunda iştırakçılar və qonaqlar Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə dəstək verdikləri ücün öz minnətdarlıqlarını bildirmişdirlər və belə turnirlərin tez tez keçirilməsini arzulamışlar.