Türkiyəli alim, zəlzələ üzrə mütəxəssis Övgün Əhməd Erkan Almaniyanın “Der Spiegel” nəşri ilə söhbətində bildirib ki, zəlzələdən ölənlərin sayı 100 minə çatır. “Hazırda hesablamalar bunu göstərir”, - ekspert vurğulayıb.

İstanbul Texniki Universitetinin keçmiş professorunun sözlərinə görə, 100.000 ölü proqnozu vəziyyətin ən pis qiymətləndirilməsindən uzaqdır: qurbanlar daha çox ola bilər. Hazırda zəlzələdən sonra ümumilikdə 24 500-dən çox insan həlak olub, onlardan 21 000-dən çoxu Türkiyədə dünyasını dəyişib. Demək olar ki, 85 min nəfər müxtəlif dərəcəli xəsarətlər alıb. Xilasedicilər fəlakətdən beş gün keçməsinə baxmayaraq, dağıntılar altında qalan insanları axtarırlar.

Professor Ahmet Erkan izah edir ki, zəlzələdən çox təsirlənən ərazidə 13 milyondan çox insan yaşayır - məsələn, Yunanıstanın bütün əhalisindən çoxdur.

“Hazırda iki güclü zəlzələ nəticəsində 7 minə yaxın binanın dağıldığı məlumdur. Mənim hesablamalarıma görə, 200 minə yaxın insan [dağıntılar altında] basdırılıb, indiyədək 8 mindən çox insan xilas edilib”, - deyə mütəxəssis bildirib.

Ahmet Erkan ölkə rəhbərliyinin hərəkətlərini tənqid edir: onun sözlərinə görə, Rəcəb Tayyib Ərdoğan ən çox zərər çəkmiş bölgələrə kömək üçün dərhal qoşun göndərmək qərarına gəlmədiyi üçün “bütün bir günü əldən verib”.

Alim bildirir ki, indi “biz dünyanın indiyədək gördüyü ən böyük fəlakətlərdən biri ilə üzləşirik”.

(BILD_İngilis dili)