Rusiya Xarici İşlər Nazirliyinin rəsmi nümayəndəsi Mariya Zaxarova Telegram kanalında bildirib ki, Qərb ölkələrinin mediasında “Şimal axını” partlayışları ilə bağlı sızmalara hüquqi sahədə araşdırma aparmaq istəməyənlər icazə verir.

“Görəsən, bu cür sızmalara kim icazə verir, informasiya məkanını onlarla doldurur? Cavab: Hüquq müstəvisində araşdırma aparmaq istəməyənlər və tamaşaçıların diqqətini hər yolla faktlardan yayındırmağa çalışanlar”, - deyə o yazıb.

Zaxarovanın fikrincə, təxribatla əlaqəli olan Qərb ölkələri Rusiyanın rəsmi müraciətlərinə cavab verməli və sızıntılar təşkil etmək əvəzinə, amerikalı jurnalist Seymur Herşin araşdırmasının materialları üzərində işləməlidir.

Bundan əlavə, Azadmedia.az xəbər verir ki, Rusiyanın BMT-dəki daimi nümayəndəsinin birinci müavini Dmitri Polyanski Twitter-də qeyd edib ki, “The New York Times”ın boru kəməri insidentinə dair dərci Rusiya tərəfinin BMT-nin himayəsi altında müstəqil araşdırma aparılmasının zəruriliyi barədə haqlı olduğunu təsdiqləyir.

Bundan əvvəl “Zeit” yazıb ki, Almaniya istintaq orqanları “Şimal axını” və “Şimal axını 2” boru kəmərlərində baş verən partlayışlarda iştirak edə biləcək gəmini müəyyən edib və bu gəmi ukraynalılara məxsus şirkət tərəfindən icarəyə götürülə bilər.