Paytaxtın mərkəzində, Znamenka küçəsində Rusiya Federasiyası Müdafiə Nazirliyinin binalarından birində tüstülənmə aradan qaldırılıb. Bu barədə RİA Novosti Fövqəladə Hallar Nazirliyinin Moskva üzrə baş idarəsinin mətbuat xidmətinə istinadən xəbər verir.
"Yanğın söndürülüb", - mesajda deyilir.
Şöbədən bildirilib ki, xəsarət alan olmayıb, bütün həyati təminat sistemləri normal işləyir.
Bundan əvvəl məlum olub ki, Moskvada, Znamenka küçəsi 19 ünvanında, Kremldən bir qədər aralıda Rusiya Müdafiə Nazirliyinin binalarından birində yanğın baş verib.
Yanğınsöndürənlər daha sonra alovun qarşısını alıblar. Hadisənin səbəbləri müəyyənləşdirilir.

Qeyd olunur ki, yanğın Apraksinlərin evində baş verib - 1987-ci ildən burada Rusiya Federasiyası Müdafiə Nazirliyinin inzibati xidmətləri yerləşir. 2016-cı ildə qonşu binanın texniki otaqlarında da yanğın baş verdikdən sonra 2019-cu ildən binada yenidənqurma işləri davam etdirilir.