Milli Aeronavtika və Kosmik Tədqiqatlar İdarəsi (NASA) Kosmonavtika Günü şərəfinə Twitter səhifəsində kosmosa uçan ilk insan Yuri Qaqarinin nailiyyətlərinə hörmətlə yanaşdığını açıqlayıb.

“Biz 1961-ci ildə kosmosa ilk insanın nailiyyətlərini və 1981-ci ildə kosmik gəminin ilk buraxılışını təqdir etməklə Beynəlxalq İnsan Kosmos Uçuş Gününü qeyd edirik”, - mesajda deyilir.

Bundan əvvəl Roskosmosun baş direktoru Yuri Borisov bildirmişdi ki, Rusiya prezidenti Vladimir Putin Rusiya orbital stansiyasının tikintisi ilə bağlı təklifləri təsdiqləyib.
Putin aprelin 12-də Kosmonavtika Günündə demişdi ki, kosmik sənaye öz potensialını artırır və əla nəticələr göstərir - müasir tarix dövründə Roskosmos ard-arda 100 qəzasız uçuş həyata keçirə bilib.