Hindistanın şimal-şərqindəki Assam ştatında güclü leysanların dayanmadığı daşqın zonasında azı 496 min insan olub. Azadmedia.az xəbər verir ki, bu barədə Assam Fəlakətlərin İdarə Olunması İdarəsi məlumat yayıb.

1366 kənd su altında qalıb, 14 min hektardan çox kənd təsərrüfatı sahəsi su altında qalıb. 350 min baş mal-qara da daşqın zonasına düşüb. Ən azı bir nəfər ölüb.

Son 24 saat ərzində sel suları 10 bəndi yarıb və daha 3 bəndi sıradan çıxarıb, 92 yerli əhəmiyyətli avtomobil yolunu yuyub, 3 körpünü yararsız hala salıb. Yerli hakimiyyət orqanları zərər çəkmiş 11 ərazidə 83 müvəqqəti yaşayış düşərgəsi və 79 yardım paylama məntəqəsi yaradıb.