Bu gün axşam saatlarında təlim uçuşu zamanı Özbəkistan Müdafiə Nazirliyinin Mi-8 helikopteri qəzaya uğrayıb, bütün heyət həlak olub.
“Məlumat veririk ki, saat 20:15-də Hava Hücumundan Müdafiə Qoşunları və Hərbi Hava Qüvvələri komandanlığının Mi-8 helikopteri Kattakurqan poliqonunda (Səmərqənd vilayətində) təlim uçuşu həyata keçirərkən qəzaya uğrayıb. Faciə nəticəsində helikopter heyəti həlak olub”. Məlumatı Özbəkistan Müdafiə Nazirliyi yayıb.