Yəmən ABŞ Hərbi Dəniz Qüvvələrinin “Carney” esminesinə PUA və raketlərlə hücum edib. Bu barədə “Əl-Cəzirə” telekanalı məlumat yayıb.

“Yəməndən ABŞ-ın “Carney” esminesi və Qırmızı dənizdəki ticarət gəmilərinə raketlər və PUA-lar atılıb”, - deyə məlumatda bildirilir.

Noyabr ayında ABŞ öz esminesinə raket hücumu barədə məlumat vermişdi. Qeyd edilib ki, raketlər gəmilərdən təxminən on dəniz mili aralıda Ədən körfəzinə düşüb.