Bu il fevralın 6-da Türkiyədə baş vermiş dağıdıcı zəlzələdən 324 gün keçir. Belə uzun müddət keçməsinə baxmayaraq, dekabrın 27-də Hatay vilayətinin Defne mahalının Sümerlər məhəlləsində dağıntılar altından kişi qalıqları çıxarılıb. Milli.Az Türkiyə mətbuatına istinadən xəbər verir ki, onun kimliyi genetik müayinədən sonra müəyyənləşəcək.

Xatırladaq ki, 2023-cü il fevralın 6-da Türkiyənin cənub-şərqində doqquz saat fasilə ilə iki güclü zəlzələ baş verib. Sonradan bir neçə min yeraltı təkan qeydə alınıb (onlardan ən güclülərinin maqnitudası 6,7 vahidə çatıb).

Təbii fəlakət nəticəsində ölkədə 50500-dən çox, Suriyada 8500-ə yaxın insan həlak olub, on minlərlə insan yaralanıb.