Ərkivan Xeyriyyə Cəmiyyətinin təşkilatçılığı ilə Masallı rayonu Ərkivan qəsəbə 5 nömrəli ümumi orta məktəbində görülən təmir işləri başa çatıb.

Görülən təmir işləri barədə Azadmedia.az-a məlumat verən Ərkivan Xeyriyyə Cəmiyyətinin sədri Cəfər Cəfərov bildirib ki, el arasında "Ağ məktəb" kimi tanınan Ərkivan qəsəbə 5 nömrəli ümumi orta məktəb 1928-ci ildə inşa edilib.

"Məktəb binası üç korpusdan ibarətdir və zamanla müəyyən dərəcədə köhnəlib. Ərkivan qəsəbəsinin xeyriyyəçiləri tərəfindən şagirdlərin daha səliqəli, təmirli tədris ocağında təhsil almaları üçün məktəbin 11 sinif otağında əsaslı təmir tikinti işləri aparılıb. Görülən təmir işlərinə ümumilikdə 20 min manatdan artıq vəsait xərclənib."- deyə C.Cəfərov məlumat verib.

Cari ilin sentyabr ayında Masallı Rayon İcra Hakimiyyətinin başçısı Araz Əhmədov, Azərbaycan Respublikası Elm və Təhsil Nazirliyinin insan resursları şöbəsinin müdiri Qaçay Məmmədov, Lənkəran - Astara Regional Təhsil İdarəsinin müdiri Bəhruz Mehdiyev və digər rəsmilər məktəbdə görülən təmir işləri ilə yerində tanış olublar. İcra başçısı görülən xeyriyyəçilik işlərini təqdirəlayiq olduğunu bildirib.
Regional Təhsil İdarəsi tərəfindən yeni tədris ili, eləcə də aparılan təmir işləri münasibətilə məktəbə 80 şagirdlik parta və oturacaq verilib. İdarə məktəbin qəzalı elektrik xətlərinin yenilənməsini üzərinə götürüb.
Təmirdən əvvəlki görüntülər:

Təmirdən sonrakı görüntülər: