Federasiya Şurasının sədri Valentina Matvienko Bakıda rəsmi səfərdə olarkən Milli Məclisin Sədri Sahibə Qafarovaya “Dostluq” ordenini təqdim edib.

Qeyd edək ki, bundan əvvəl Rusiya Prezidenti Vladimir Putin Rusiya Federasiyası ilə Azərbaycan arasında əlaqələrin möhkəmləndirilməsində xidmətlərinə görə Sahibə Qafarovanı “Dostluq” ordeni ilə təltif edib.

Xatırladaq ki, bu gün səhər Valentina Matvienko nümayəndə heyəti ilə birlikdə Azərbaycan Prezidenti İlham Əliyevlə görüşüb. Tərəflər iki ölkə arasında çoxtərəfli əməkdaşlıq və digər aktual məsələləri müzakirə ediblər.