“Bizim apardığımız hesablamalara görə, müharibə başlayan zamandan Ermənistan ordusuna iki milyard dollar ətrafında ziyan dəyib. Hazırda bu, davam edir”.

Bunu Prezident İlham Əliyev Türkiyənin “A Haber” televiziya kanalına müsahibəsində bildirib.

Prezident qeyd edib ki, Ermənistanın büdcəsi, valyuta ehtiyatları məlumdur:


“Bu müharibə günlərində onların iki milyard dollarlıq silahları məhv edilibsə, hələ də bu silahlar var. Məhv edilən silahlar işğal olunmuş torpaqlardadır.

Ermənistan ərazisində silahlar var. Haradan aldılar bu silahları? Haradan bu pulu tapdılar? Təbii ki, onlarda bu pul yoxdur. Demək ki, pulsuz alıblar”.

“Mən Ermənistan rəhbərliyinə də müraciət etmişəm - atəşkəsə əməl edin, bizə təqvim verin, torpaqlarımızdan çıxın. Bu müharibə dayansın, siz də qalan silahlarınızı qoruyun. Yoxsa belə gedərsə, onların bütün silahlarını biz məhv edəcəyik” ,- deyə İ.Əliyev vurğulayıb.