Azərbaycan Dövlət Pedaqoji Universitetində rektor Cəfər Cəfərovun imzaladığı əmrlə mətbuat işi və ictimaiyyətlə əlaqələrin təkmilləşdirilməsi, informasiya yayımı və axınının koordinasiyasının optimallaşdırılması məqsədilə yeni “mətbuat katibi” ştatı təsis edilib. 

Universitetdən Azadmedia.az a verilən məlumata görə, ADPU-nun məzunu olan mütəxəssis Cavid Hüseynov universitetin Mətbuat katibi (Tələbələrlə iş və ictimaiyyətlə əlaqələr şöbəsinin əməkdaşı) vəzifəsinə təyin edilib. 

O, 2019-cu ildən universitetin “Tədbirlərin təşkili və tələbələrlə iş” şöbəsinin mütəxəssisi və sosial və humanitar məsələlər üzrə prorektor köməkçisi kimi çalışıb.