“Heydər Əliyev və müasir Azərbaycan gəncliyi” mövzusunda tədbir təşkil olunub.

Azadmedia.az-ın cənub bürosunun məlumatına görə, Yanvarın 24-də Yardımlı rayon Heydər Əliyev Mərkəzində ulu öndər Heydər Əliyev irsinin təbliği məqsədilə tədbirlər planına müvafiq olaraq “Heydər Əliyev və müasir Azərbaycan gəncliyi” mövzusunda tədbir təşkil olunub.

Belə ki, tədbirdə Mərkəzin rəhbərliyi,əməkdaşları və gənc könüllülər iştirak edib.




Tədbiri giriş sözü ilə açan Mərkəzin direktoru Aqil Ağayev ümummilli lider Heydər Əliyevin gənclərimizin əsl Azərbaycan vətəndaşı kimi formalaşmasındakı rolundan bəhs edib. A.Ağayev Heydər Əliyevin dövlətçilik fəaliyyətində gənclər siyasətinin xüsusi yerinin olmasını vurğulayıb.

Sonra çıxış edən Mərkəzin əməkdaşı Zeynəb Məmmədzadə dahi rəhbərin hakimiyyətinin hər iki dövründə gənclərimiz naminə həyata keçirdiyi işləri tədbir iştirakçılarının diqqətinə çatdırıb.

Sonda gənc könüllərin fikirləri dinlənilib və xatirə fotoları çəkdirilib.

Ülkər Piriyeva