Masallıda “Gənclər həftəsi” çərçivəsində “Rəsm”, “Əl işləri” sərgi müsabiqəsinə start verilib.

Azadmedia.az-ın cənub bürosunun məlumatına görə, 29 yanvar 2022-ci il tarixdə Masallı rayon Gənclər və İdman İdarəsinin, ”Gənclər evi” sosial xidmət müəssisəsinin birgə təşkilatçılığı ilə 2 fevral-Azərbaycan Gəncləri Gününün təsis edilməsinin 25 illiyi münasibətilə, “Gənclər həftəsi” çərçivəsində "Gənclik - yeni zəfərlərə doğru" mövzusunda “Rəsm”, “Əl işləri” sərgi müsabiqəsinə start verilib.

Belə ki, sərginin keçirilməsində əsas məqsəd 2 fevral-Azərbaycan Gəncləri Gününün təsis edilməsinin 25 illiyinin təntənəli şəkildə qeyd edilməsi, uşaqlar, yeniyetmə və gənclərin yaradıcı inkişafına təkan verilməsi, onların asudə vaxtlarının səmərəli təşkilinin təmin olunmasıdır.

Nəzərinizə çatdıraq ki, 2 fevral - Azərbaycan Gəncləri Gününün təsis edilməsinin 25 illiyi münasibətilə “Gənclər həftəsi” çərçivəsində "Gənclik - yeni zəfərlərə doğru" mövzusunda “Rəsm”, “Əl işləri” sərgi müsabiqəsi fevralın 1-dək davam edəcəkdir.

Qeyd edək ki, müsabiqədə fərqlənənlər Masallı rayon Gənclər və İdman İdarəsi tərəfindən 2 fevral gənclər günündə diplomlarla mükafatlandırılacaq.

Ülkər Piriyeva