“Bundan sonra təyyarələrimizin gövdəsinə Turkish Airlines deyil, Türk Hava Yolları yazacağıq”.

Azadmedia.az xəbər verir ki, bu barədə Prezident Rəcəb Tayyib Erdoğan Türksat 5B peykinin istismara verilməsi mərasimində çıxış edib.

O həmçinin “Kosmos haqqında düşünəndə gənclik illərində baxdıqları kosmik filmləri düşünənlər üçün pis xəbərimiz var. Türk mühəndisləri tərəfindən hazırlanmış yerli və milli müşahidə peykimiz İMECE-ni 2023-cü ilin yanvarında, TÜRKSAT 6A-nı isə 2023-cü ilin ortalarında orbitə buraxırıq. Beləliklə, kosmosdakı vasitəmiz 10-a yüksələcək. Ölkəmizi layiq olduğu yerə çatdırmaq üçün addımlar atırıq. Yeni nəslin kosmik texnologiyalara marağı bizə ümid verir. Teknofest nəsli gənclərimiz öz layihələri ilə kosmosu fəth etməyi planlaşdırırlar. Teknofest-in ilk təşkil edildiyi 2018-ci ildən gəldiyi nöqtədə nəyə nail ola biləcəkləri göz qabağındadır. Başladığımız rəqəmsal mobilizasiya ilə ölkəmizi blok zincirdə qədər lider mövqeyə daşıyırıq,” - deyə bildirib.