Beynəlxalq Türk Mədəniyyəti və İrsi Fondu İstanbulda törədilmiş terror aktı ilə bağlı Türkiyəyə başsağlığı verib.

Azadmedia.az xəbər verir ki, başsağlığında deyilir: “İstanbulda Taksim İstiqlal küçəsində baş verən bombalı hücum xəbəri bizi dərindən kədərləndirdi. Beynəlxalq Türk Mədəniyyəti və İrsi Fondu olaraq, günahsız insanların ölümünə və yaralanmasına səbəb olan mənfur hücumu pisləyirik. Partlayış nəticəsində həyatını itirən qardaş və bacılarımıza Allahdan rəhmət, kədərli yaxınlarına və bütün Türkiyə xalqına başsağlığı, yaralananlara isə şəfa diləyirik. Türkiyəyə qarşı yönəlmiş heç bir hücum ölkənin və türk millətinin mövqeyini, əzm və qərarlılığını sarsılda bilməz.
Can Türkiyəmizin yanındayıq!”