Masallı idmançısı respublika ikincisi oldu.

Azadmedia.az Masallı idmançısı qadınlar arasında boks üzrə
Azərbaycan birinciliyində gümüş medalın sahibi olub.

50 kiloqram çəki dərəcəsində mübarizə aparan Leyla Nəsirova respublika çempionatında finalda rəqibinə məğlub olaraq ikinci yerin sahibi olub.

O, Masallı Rayon Gənclər və İdman İdarəsi nəzdindəki Uşaq-Gənclər İdman Məktəbinin məşqçi-müəllimi Orxan Cəbiyevin yetirməsidir.
Qeyd edək ki, Boks Federasiyasının idman zalında təşkil olunan yarışlar səkkiz gün (15-22 dekabr) davam edəcək.
Azərbaycan Respublikasının Gənclər və İdman Nazirliyi ilə Azərbaycan Boks Federasiyasının birgə təşkilatçılığı ilə keçirilən birincilik ölkəmizdə boksun təbliği və inkişaf etdirilməsi, idmançıların yarış təcrübəsinin, həmçinin ustalığının artırılması məqsədi daşıyır.
Əlavə edək ki, Leyla Nəsirova Azərbaycan yığma komandasının üzvüdür.


Ülkər Piriyeva