Dünya Bankı elan edib ki, COVID-19 pandemiyası aşağı və orta gəlirli ölkələrdə tələbələrin təhsilini pozaraq “itirilmiş nəsil” riskini artırıb və gələcək qazanclarının azalmasına gətirib çıxaracaq.

Dünya Bankı epidemiyanın 25 yaşdan kiçik gənclərə təsiri ilə bağlı qlobal məlumatları təhlil edir, “Çöküş və bərpa: COVID-19 insan kapitalını necə korroziyaya uğratdı və bununla bağlı nə etməli”. hesabatını dərc edib.

Hesabatda bildirilib ki, COVID-19-un gənclərə təsiri “itirilmiş nəsil” riskini artırır.

COVID-19 pandemiyası aşağı və orta gəlirli ölkələrdə milyonlarla uşaq və gəncin inkişafına mənfi təsir göstərməklə bərabər, insan kapitalının həyat dövrünün kritik anında böyük çöküşünə səbəb olduğu bildirilən hesabatda, o da qeyd edilib ki, epidemiya uşaq və gənclərin koqnitiv inkişafına və ömür boyu qazanclarına ziyan vurub, nəsillərin rifahını və iqtisadiyyatların artımını təhlükə altına alıb.

Tələbələr təhsil şokları səbəbindən gələcək qazanclarının 10 faizini itirə bilər.

Hesabatda deyilir ki, bugünkü tələbələr COVID-19-un yaratdığı təhsil sarsıntıları səbəbindən gələcək qazanclarının 10 faizini itirə bilərlər.

Epidemiyanın məktəblərin və iş yerlərinin bağlanmasına səbəb olduğunu, insan kapitalını qoruyan və dəstəkləyən xidmətlərin fəaliyyətini dayandırdığını xatırladaraq, bildirilib ki, epidemiya səbəbindən bir çox ölkələrdə məktəbəqədər yaşlı uşaqlar pandemiyadan əvvəlki qruplarla müqayisədə erkən nitq və savadda öyrənmələrinin 34 faizindən, riyaziyyatın isə 29 faizindən çoxunu itiriblər.

Hesabatda qeyd olunub ki, məktəbəqədər qeydiyyat 2021-ci ilin sonuna qədər, hətta bir çox ölkədə məktəblər yenidən açıldıqdan sonra da bərpa olunmayıb.

Ü. Piriyeva