Somalidə Kahramanmaraş mərkəzli zəlzələdən zərər çəkənlər üçün dünən axşam saatlarında başladılan yardım kampaniyasında bu günə qədər 4 milyon dollar ianə toplanıb.

Somalinin paytaxtı Moqadişuda Türkiyəyə dəstək toplamaq üçün Baş nazir Həmzə Abdi Barre tərəfindən təyin edilən yardım komitəsi indiyədək 4 milyon dollar - hökumətdən 1 milyon, vətəndaşlardan isə 3 milyon dollar toplayıb.

Azadmedia.az xəbər verir ki, 3 gün davam edəcək dəstək kampaniyasının hədəfinin ən az 5 milyon dollar olduğu açıqlanıb.

Digər tərəfdən, prezident Həsən Şeyx Mahmud cümə namazından sonra vətəndaşlara müraciət edərək, hökumətin Türkiyədəki zəlzələdən zərər çəkənlərə dəstək göstərmə səylərini izah edərək, “Somali hökumətinin və xalqının dünyanın digər ölkələrindən fərqli bir məsuliyyəti var." - Dedi.

Diasporaya, iş adamlarına və bütün Somali vətəndaşlarına dəstək çağırışı edən prezident Mahmud, "Hər bir Somalili türk qardaşlarımızın bizim üçün nə demək olduğunu yaxşı bilir, onlar daha çoxuna layiqdirlər. Kiçik də olsa, var gücümüzlə əlimizdən gələni edək," dedi.