Türkiyənin 11 vilayətində böyük dağıntılara səbəb olan Kahramanmaraş mərkəzli zəlzələlərdən sonra yenidənqurma prosesi ilə bağlı müzakirələr dünya mətbuatında gündəm olmaqda davam edir.

Britaniya mediası Reuters hökumətin yenidənqurma prosesi ilə bağlı açıqlamalarının ekspertlərin narahatlığına səbəb olduğuna diqqət çəkib.

Türkiyəni boğan Kahramanmaraş mərkəzli zəlzələlərdən sonra baş verənlər dünya mətbuatında da yaxından izlənilir.

Prezident Rəcəb Tayyib Ərdoğanın “Dağılan binaları bir il ərzində bərpa edib təhvil verəcəyik” sözləri ilə bağlı mübahisələrə diqqət çəkən Britaniyanın “Reuters” xəbər agentliyi öz təhlilində “Sürətli bərpa prosesinin yeni zəlzələ fəlakəti riskinə yol açacağını” qeyd edib. ".


Reuters-in məlumatına görə, memarlar və mühəndislər sürətli tikinti planının diqqətli şəhərsalma və təhlükəsiz tikinti olmadan yeni fəlakət risklərinə səbəb olacağını bildiriblər.

Reuters-ə danışan İstanbul Memarlar Palatasının keçmiş rəhbəri Esin Köymen, “Təkcə dağılmış evləri bərpa etmək kifayət deyil, biz də elmi məlumatlara əsasən şəhərləri yenidən planlaşdırmalıyıq. Məsələn, şəhərlər fay xətləri üzərində qurulmamalı və keçmiş səhvlərdən dərs çıxarılmalıdır. Prioritet yeni bina deyil, yeni planlaşdırmadır”.

İnşaat Mühəndisləri Palatasının sədr müavini Nusret Suna, “Bir ay ərzində tikintiyə başlayacaqlarını və bir ildə bitirəcəklərini söyləmələri, yaşadığımız fəlakəti anlamadıqlarını göstərir. “Şəhər planlarını görməzdən gəlmək böyük səhvdir.

Təhlildə hökumətin siyasi və maliyyə qazancları müqabilində tikinti şirkətlərinə son vaxtlar sərfəli sövdələşmələr təklif etməsinin böhranı daha da pisləşdirdiyi qiymətləndirməsi də yer alıb.


Ülkər Piriyeva